Forever Living Aloe Lips 蘆薈潤唇膏

Forever Living Aloe Lips 

蘆薈潤唇膏

含有蘆薈、荷荷葩和蜂蠟製成了的潤唇膏，令到嘴唇可以保持的濕潤、光滑和柔軟，適合每日使用。

以前我個嘴唇連夏天都會乾到爆開流血, 冬天更加嚴重, 用過好多潤唇膏都只係治標唔治本, 揸完果一刻就好似潤返少少, 不過好快就完全覺得無用要再揸, 揸極個咀都係好乾, 直到幾年前我同朋友去咗參加forever嘅免費化妝班, 當然所有化妝品都係forever嘅產品, 點知一試咗呢個潤唇膏, 我真係好中意, 一來無味(我好怕潤唇膏有味, 無論係生果味或其他味我都好怕), 二來真係好滋潤, 仲有修護作用, 而且價錢只係廿幾蚊一支(當年$28, 現在好似都要三十幾蚊, 不過如果上網買就都只係廿幾蚊就有), 真係唔買都對唔住自己, 用咗一支之後, 我覺得個咀無以前咁易甩皮同流血, 所以我就繼續買來用, 仲介紹比我家人同朋友, 大家都好中意!!

其實用完一季之後, 我已經發覺有效淡化嘴唇乾紋, 可令唇色變回自然顏色, 而且仲無以前咁乾咁易流血添, 我夏天已經唔洗好似以前咁日日用, 好多時夏天都已經唔洗揸, 不過一到秋冬的時候, 點都一定要有一支喺身邊~ 已經用咗3-4年啦~