REVLON - "ColorStay Whipped Cream Makeup"

最近因為轉天氣, 而且之前買果個粉底又買淺咗色, 好想買過另一個比較保濕嘅粉底試下, 不過對我嚟講, 而家呢啲天氣仍然都係會出油, 所以都要搵D比較long keep嘅, 眼見好多人介紹REVLON 新出的 "ColorStay Whipped Cream Makeup" 持久無瑕修護粉底霜, 本身真係無咩信心, 因為始終覺得百幾蚊嘅粉底好難有好好嘅效果, 不過見咁多人讚就去sasa試下啦, 試咗上手個感覺都幾好, 又滑又快乾爽, 就比次機會你啦~~

 主要賣點:

-全新"time release"技術, 帶給肌膚卓越持久的無暇通透和輕薄水潤感;

-神奇彈性絲柔乳霜質地, 良好的延展性及柔潤度如羽翼般輕薄貼合, 塑造霧面啞光的控油妝效, 一流的遮蓋力帶來肌膚健康好氣色; 

-其富含蠶絲和植物精華, 舒緩肌理, 保濕鎮靜, 無油無香精配方讓肌膚持久清爽無負擔。

一試上手已經覺得好易推, 好滑, 遮瑕度不錯, 顏色都算自然, 試上面之後覺得貼面幼滑, 質感保濕易推, 而且一上完好快已經變得清爽! 

$148呢個價錢簡直係無得頂!!!

 我由十一點到下午四、五點都有少許出油, 用紙巾印的時候, 只係一少部份有輕微甩咗少少粉色, 其他位置一啲都無甩, 超勁!! 好驚喜!!

因為我用過好幾個大牌子都做唔到呢個效果!!

最可惜係香港只有 3 色選擇, 我用嘅已經係最深嘅 #250 medium beige!! 如果可以有多些選擇, 我相信會更好!!

TONYMOLY Intense Repair Live Snail Hydro-gel Mask 強效修複肌膚新生蝸牛啫喱面膜

講真, 自從買咗HITACHI導出導入機之後, 我都好幾個月無自己另外敷MASK, 之前朋友送或自己買既都送晒比人, 一來我覺得好多paper mask效果唔太好, 就算用完只係即時有效果, 第2朝就已經好似無做過咁, 只係有做好過唔做嘅心態!!

二來我都已經用咗導出導入機, 其實皮膚狀態都好咗好多, 所以都無再買其他MASK, 不過始終人係會有懶嘅時候, 唔會真係晚晚都抽到時間去做, 所以都覺得買返d有效的mask喺唔想做機嘅時候用都幾好!!

之前用過呢隻 TONYMOLY嘅 Intense Repair Live Snail Hydro-gel Mask (強效修複肌膚新生蝸牛啫喱面膜 ) 真係覺得幾好用, 佢係gel mask, 佢係gel mask比起其他paper mask都較為貼面, 而且敷完即時B見到毛孔細咗好多, 皮膚仲脹卜卜咁, 就算瞓醒到第2日都仍然見到有效果!!

 而家仲要有優惠$260/10片就買來做下啦,  我係幫襯BEAUTY ASIA的, 一來價錢抵, 二來又係韓國直接入口, 有信心保證!! 

仲要店員有禮服務態度一流添!!

http://www.beautyasia.com.hk/for-her/face-care/intense-repair-live-snail-hydro-gel-mask-73.html 

 

可以睇到以下的相真係好貼面, 我本身個面都幾大, 好多paper mask都敷唔晒成個面, 仲要又唔貼, 呢個gel mask就唔同, 超愛!! (希望唔會嚇到人啦~)

超好用Nature Republic snail therapy foam cleanser 蝸牛療法潔面泡沫

之前朋友介紹我用呢支Nature Republic snail therapy foam cleanser 蝸牛療法潔面泡沫, 當時我覺得係唔係真係好架?? 因為試過好多韓國諼膚品我都覺得麻麻地, 但係見我朋友誠意推介, 就不防一試吧, 點知一試完就愛上咗, 呢支已經係我第2支回購啦!!

$110 <150ML> 我每日只用一次, 因為朝早唔想過份清洗面上油滋, 所以只係晚上用, 咁大支我可以用到4-5個月, 相當抵用!!!

含有蝸牛粘液和複合性愈傷組織提取物，可使肌膚變得光滑，柔嫩，並且泡沫細膩，能從毛孔深處清潔毛孔，使肌膚乾淨，滋潤。

使用方法: 潔面時, 使用適量搓出大量泡沫後於面部打圈按摩, 最後用溫水洗凈.

 以下係我平時洗面用的份量, 其實真係用咁少就已經可以起到好多好多泡!!

呢到只係一半, 因為另一半喺我另一隻手, 但係要揸相機, 所以影唔到比啦!!

講咗咁耐, 究竟有咩好呢?? 洗的時候你會覺得D泡泡好滑, 洗完過水的時候, 就會感受到塊面好乾淨但係塊面又好滑, 抺乾面之後, 一啲都唔會覺得個面乾, 好舒服!! 有時仲會唔記得揸其他護膚品添!!

又買鞋 - STEVEN MADDEN

本身以為一次過買咗3對鞋, 呢一季都可以收手啦, 點知要退貨, 最終只係得一對, 一來我唔著慣高踭鞋, 不能長時間著會覺得好攰, 所以我決定點都要買多對平底BOOT, 就喺呢個時候, 我最愛的Blogger & Miss又放火, 佢參加咗Steve Madden 的 shopping event 仲影咗唔少相, 比我發現有對我超中意既平底BOOT!! 

我當時見到呢張相, 希望佢唔好介意我借佢張相啦~~

一見到我已經好想立即去買, 咁啱又要上堂就順便問一下對鞋大約幾多錢, 雖然佢唔係好記得大約價錢, 不過佢竟然送咗張 $350 cash coupon 比我, 真係開心到暈!!!!! 多謝晒呀ISA!!!

不過只適用於中環分店, 今日就約個朋友山長水遠出去見其真身, 一齊去試試, 到我見到真身想試的時候真係好失望 (並唔係因為鞋款問題或品質問題), 竟然我最中意嘅黑色39碼已經斷貨, 黑色最大只有38.5碼, 而啡色就有39碼!! 

SALES姐姐拎齊2個顏色比我試 (黑色38.5碼 & 啡色39碼!! ) 我今日著了一對比較厚身的棉襪, 所以著黑色38.5碼的時候真係好緊, 而啡色39碼當然就係好FIT好舒適, 但係一向唔會買啡色的我, 唯有好失望想放棄!!

不過呢個時候又比我發現另一對內藏踭波鞋, 雖然踭高都有3-4寸, 但係一試上腳的時候, 舒服的程度我係完全唔覺得自己著緊有踭鞋, 而且呢對仲做緊7折 ($1390 X 7折= $973), 雖然類似嘅款其實都好多牌子有出, 就算無牌子都有好多, 但係佢真係好舒服, 而且有7折之後都唔算好貴呀!!! 真係好有衝動要咗你, 不過始終我嘅主要目標買唔到, 心有不甘, 不肯落決定又不捨得離開!!

但係到真係到臨俾錢的時候, 我真係好唔捨得對BOOT, 我就問SALES姐姐對boot會否越著越鬆呢?? 佢話其實所有鞋款著耐了都會鬆一點!! 仲提議我試著絲襪再試試穿, 睇下會否有幫助, 仲立即提供一對絲襪比我試一下, 一試上之後真係舒服晒, 我立即忍唔住: 我要呢對!! 連我朋友都忍唔住笑我!! 今日原來都仲有PROMOTION, 買2對正價貨品會有8折優惠 (只係做埋聽日6/10), 但係因為上面對波鞋已經有7折, 所以唔算, 唯有用coupon $1890-$350 = $1540!!

其實啡色鞋頭反而有漸變色, 但係我個人都係鍾情黑色多一點!!

最終都係一次過帶埋對有踭波鞋返屋企!! 一次過買夠$2000做埋vip添, 以後正價都有85折, 每買$1就可以儲1分, 儲夠10000分就有一張$500coupon, 不過我唔記得問有無限期!! 做咗VIP買正價都已經有85折都幾好, 不過可能係一件好危險嘅事!! 哈哈!! sales姐姐仲送咗張75折coupon比我, 不過只限於上網買, 網址係: http://www.centralcentralshop.com/ 限期到10月尾, 而且上網買嘅分同喺舖頭買又係分開計, 呢樣就覺得唔係好公平~~ 不過我真係買夠啦(暫時!!) 所以將張coupon轉送比朋友啦!!