ULA雨傘

好耐之前已經喺地鐵站見到ULA縮骨遮的自動售賣機, 已經覺得好得意, 但係一直都無打算買來試, 直至最近買咗3把好唔掂嘅遮, 一把縮骨遮好靚, 好貴, 但係太細啦, 落雨根本就無用, 第二把縮骨遮太少少,但係有一日好大雨, 我發現佢竟然漏水, 真係火都嚟呀!! 第3把係突然落大雨, 所以去咗OK買把長遮用住先, 點知用咗都無3次, 竟然穿咗!!!!

今次係因為我見我同事用緊ULA縮骨遮, 而且有我好中意嘅紫色, 我就上ULA個網站睇下啦!!
http://ula-umbrella.com/zh-hk/product/
真係好似幾好咁, 所以我決定要買來試下, 不過全港只係得11個地鐵站有得賣, 但係我發晒咗幾個好朋友幫我留意, 偏偏我最中意嘅紫色 & 海軍藍都無晒貨,唯有買翡翠用住先啦!!

價錢$78, 唔算貴, 當然佢唔係最平, 尋日買完都未用, 今日又落雨可以試下, SIZE比我平時買嘅大一點, 其實有好有唔好, 日日袋住佢係無細嘅咁方便, 但係到落雨的時候又真係好D, 而且佢都唔算重, 所以都幾中意~~