Sony Xperia Z1 & SBH52藍芽耳機

我自問我真係一個好鍾意換電話嘅人, 由十年前開始, 已經經烯換電話, 總之一見到鍾意就會換, 有時可能係因為款式, 有時可能真係功能, 初初無咁多款式都可以用到一年, 之後越來越多, 我試過3個月就換一次, 有時可能半年, 總之就無一部電話係用到保養期完結啦, 不過呢3-4年開始唔敢太過份, 因為成日比人鬧, 而且而家D電話都無以前咁平, 起碼都4-5000蚊, 而家更加要成6000先有一部可以睇得上眼嘅電話!! 真係好貴~

本來用緊SAMSUNG NOTE 2嘅我, 點解會無情情喺NOTE 3 出嘅日子出咗部Sony Xperia Z1?? 當然係有原因, 本身我都唔太喜歡note 2個樣, 但係用開samsung都覺得幾好, note2又比較多function, 個芒又大D...所以出咗囉,不過見到note 3個樣唔太吸引, 而且
Sony Xperia z1可以防水,design又靚, 仲要有我最鍾意嘅紫色, 而且上網睇佢相機功能有成2千幾萬像素, 好吸引, 而個蓋芽本身係因為我要買個藍芽, 見佢又有LED顯示都幾方便, 所以咪出囉~~
SONY Xperia Z1 廣告
價錢$5998 

 

Sony SBH52 介紹

價錢$799 (衛訊會員買配件有8折優惠)

 

去買機的時候已經急不及待要影張相通知一下我D又想出又未出嘅朋友!!

 

我喺衛訊買手機係因為我覺得衛訊嘅信譽良好, 服務態度又好, 有問必答!! 今次跟機仲送好多禮品!!

用後感:
不過由27號晚出咗到而家用咗2日, 我真係有少少後悔, 佢個樣真係好靚, 個芒都幾好, 相機喺夠光位置真係好清好快, 上網都好快, 但係唔夠光的時候, 我就覺得個相機無咁清, 而且最失敗應該都係舊電, 雖然已經有3000 mAh 內建式鋰電池, 好似我今日中午12點出門口, 當時舊電有100%, 仲已經開咗慳電模式, 之後去食飯都只係WHATSAPP咗幾句, 食完飯12:30左右我開咗藍芽用SBH52耳機聽歌, 一邊whatsapp, facebook同睇下報紙, 去到銅鑼灣剛好下午2:00, 我一望只餘下68%電力, 我對呢樣真係覺得好失望, 之後到髮型屋整頭一邊上下網同whatsapp, 影下相, 不過完全無睇短片, 整到下午4-5點左右, 就已經餘下三十幾, 唯有唔再玩電話, 拎個外罝叉電出來叉下啦,  叉到7點離開髮型屋係多咗10%左右, 不過我發現叉電的時候唔可以用, 否則D電力都係只有減無加, 唉..........咁嘅價錢, 舊電用唔到一日真係好失敗, 呢樣反而NOTE 2仲好, 起碼我由朝到晚都唔洗再叉電!!
如果睇片嘅話, 部機好快就熱~~
 

轉季買鞋 - AME online shopping

上網買鞋不愉快經驗

唔知大家有無試過上網買鞋, 買完之後覺得貨不對辦, 或者尺碼唔啱, 但係又無得換呢?? 我就試過, 因為女仔腳型嚟講, 我本身隻腳唔算細, 要著到39或者40碼, 好多時呢D碼數已經係果一款鞋最大嘅尺碼, 但係可能鞋型問題, 我試完都係唔啱但係已經無再大嘅尺碼可以比你換, 又唔可以換款, 真係好唔開心架, 所以一直以來, 我都極少上網買鞋, 除咗夏天買涼鞋有時都會上網買, 因為淘寶實在太抵, 就算買完唔啱都唔會肉赤, 否則我只會出街買鞋!!

但係早幾日見到一個我好喜愛嘅blogger 介紹咗AME嘅online shopping, 見到價錢唔算好貴 (當然唔會係淘寶嘅價錢, 不過款式好OK, 而且仲講明有30日購買保障, 就算尺碼及款式有問題都可以換貨或退錢!! 正!! 真係忍唔住要買來試試!!

新登記做會員仲可以即時減$100添!!

http://www.shopame.com/zh/the-collection/TAG/P3

 兔費登記為會員, 就會有 $100 coupon + 50 積分, 可以即時用來買鞋減 $100!! 正!!

一路都想買BOOT嘅我, 最終決定買以下2款:

我本身唔著慣有踭鞋, 但係呢對款式實在太吸引, 最啱我襯 leggings, 就算襯牛仔褲都唔錯, 而且仲要有得減 $100! 即係$890就買到, 我覺得好抵呀!! 



而第2對雖然款式唔係我最愛, 但係我好中意平底鞋, 呢個款式都唔差 $790, 既然有買2送1優惠, 就要埋佢啦~~

  

本來應該第2日可以收到貨, 但係我揀果對免費鞋已經斷碼, 始終係因為清貨先有這樣的優惠吧, 所以熱線中心要打來叫我再揀過, 最終揀咗對唔太鐘意嘅款式, 終於都收貨啦~

 

收貨之後, 我發覺黑色果對BOOT尺碼同款式都OK, 好滿意!!

但係中間對灰色實在太緊啦, 我連喺屋企行兩步都開始覺得緊到有點痛, 唯有打返去熱線要求換尺碼啦, 點知呢個款式實在太好賣, 原來40碼都已經斷貨, 客戶服務員就提議我揀另一對價格一樣的來換, 這樣就可以安排速運公司跟我換, 但是我發現整個網都只有呢對係$790, 那我問是否可以揀其他款式, 只是補回差價, 但是客戶服務員造如果價格不同就要麻煩我親自到他們銅鑼灣的門市去換, 我再上網仔細睇多次, 其實我真係再揀唔到另一對啱我, 我就問是否可以退錢, 他們答應是可以的, 但因為優惠問題(送了一對免費鞋給我), 所以只可以退回$790入我網上戶口, 等我將來再買其他鞋的時候可以用, 不過因為對免費鞋都唔係我心水, 所以我要求連同對免費鞋退比佢, 佢就答應會退錢給我, 還安排速運公司嚟收, 但要等他們收到鞋才可以安排退款,這樣我都可以接受~~

呢到一提, 客戶服務員態度十分好, 就算我有問題未能即時回答,也只是相隔十多分鐘就主動再回覆, 又快捷又有禮!! 如果第時有其他款式啱我, 我都會繼續支持!!

林三益淨顏掃和粉刺掃

因為廣告, FACEBOOK及YOUTUBE的關係, 不停見到有關林三益淨顏掃和粉刺掃的介紹, 對於我呢個勁多黑頭粉刺嘅人嚟講, 真係好吸引想試, 但係礙於專門店的數量不多, 又唔太方便我, 所以一直都未見其新身, 亦無買來試, 但係不停見到有關的介紹,價錢又唔係貴,所以最終都決定買來試試, 但係因為我懶, 所以就上網買直接寄到屋企, 真係好方便!!

網上已經有好多介紹用法嘅短片, 大家可以睇下:

LSY 林三益X柳燕 【靚研系列-粉刺bye-bye刷】 - http://www.youtube.com/watch?v=Pn-c1Wo6kik

LSY 林三益X柳燕 【靚研系列-淨顏刷】 - http://www.youtube.com/watch?v=oNgzPrjTZWM

我第一次用淨顏掃洗面的時候, 真係覺得毛毛好軟滑, 洗完的感覺真係好乾淨, 比就咁用洗面膏的感覺更乾淨, 之後再用粉刺掃就真係見到下巴同鼻翼最多頑固粉刺的位置, 真係推出不少粉刺, 不過當然唔係第一次用就會完全無晒啦, 不過感覺都不錯, 我會再繼續用!! :D

我嘅第一套化妝掃~

因為貪靚, 我由5-6年前開始同自己化妝, 當然化得唔好啦, 一直都好想真真正正去學化妝, 目的只係因為自己貪靚, 但係我個人永遠都係得個諗未, 學嘢又無乜恆心, 所以驚嘥錢, 但係成日都覺得自己化得唔夠好, 終於搵到個朋友仔陪我一齊去學, 但係後來整整下多咗2個朋友因為我話去, 佢地又去, 有3個朋友陪我真係好~~

呢套就係我第一套真真正正的化妝掃啦, 係日本牌子Mizuho專業化妝掃 CMP系列套裝!!

 希望以後可以用佢化多啲靚靚妝啦~ 第一日上堂派架, 不過其實送嘅只有10支, 其他係我自己之前買既, 不過買掃買到好似會上癮咁, 一見到有新又心郁郁想買~

拎到返屋企, 當然要同佢地洗白白啦!!!

 

ULA雨傘

好耐之前已經喺地鐵站見到ULA縮骨遮的自動售賣機, 已經覺得好得意, 但係一直都無打算買來試, 直至最近買咗3把好唔掂嘅遮, 一把縮骨遮好靚, 好貴, 但係太細啦, 落雨根本就無用, 第二把縮骨遮太少少,但係有一日好大雨, 我發現佢竟然漏水, 真係火都嚟呀!! 第3把係突然落大雨, 所以去咗OK買把長遮用住先, 點知用咗都無3次, 竟然穿咗!!!!

今次係因為我見我同事用緊ULA縮骨遮, 而且有我好中意嘅紫色, 我就上ULA個網站睇下啦!!
http://ula-umbrella.com/zh-hk/product/
真係好似幾好咁, 所以我決定要買來試下, 不過全港只係得11個地鐵站有得賣, 但係我發晒咗幾個好朋友幫我留意, 偏偏我最中意嘅紫色 & 海軍藍都無晒貨,唯有買翡翠用住先啦!!

價錢$78, 唔算貴, 當然佢唔係最平, 尋日買完都未用, 今日又落雨可以試下, SIZE比我平時買嘅大一點, 其實有好有唔好, 日日袋住佢係無細嘅咁方便, 但係到落雨的時候又真係好D, 而且佢都唔算重, 所以都幾中意~~

嘩鬼和風料理外賣速遞

今日因為唔想出街, 所以又再叫呢間日本料理的外賣, 講真堂食我就真係未試過, 今次已經係我第3次叫呢間外賣, 第1次45分鐘已經到, 第2次就一個鐘, 第3次(今次)竟然個半鐘都未到, 唉.......

當夠一個鐘頭的時候, 我打去佢話已經出車, 到個半鐘佢都係咁講, 其實由元朗嚟我屋企, 15分鐘係一定到, 不過佢話因為仲有2張單順路, 所以一齊送, 而我係尾站, 所以慢少少喎~

經過差不多一個鐘零45分鐘終於都有得食, 不過D冰都已經溶晒, 我真係好擔心我食完會肚餓囉~

希望無事啦......

因為而家轉咗狗糧供應商, 每次買滿$600都會有一罐狗糧頭送, 今日就比pooh pooh試下

Kakato卡格 Salmon in Broth 三文魚魚湯罐頭 (貓狗合用)

本身見我去佢D罐頭到拎出嚟佢滿心歡喜跟住我, 點知一打開連我都覺得好香魚味, 好似我們人食果D吞拿魚罐頭咁, 仲要香D, 不過阿pooh竟然一d面都唔比, 見我開完即走, 理都唔理我, 唯有益樓下車房D狗狗啦~~

仲要咬住佢個新界的士毛公仔好快咁走咗去