我家大少今年升小一啦~

我家大少Evan要升小一, 學校要早幾日開學比佢地小一生返去適應下, 所以我就帶佢去剪頭髮準備開學, 因為佢D頭髮本身又長得快又太曲, 所以我盡可能都會同佢剷到好短,靚仔嗎??

臨返學之前影返張靚仔相先~~

呢間就係"博愛醫院曆屆總理聯誼會鄭任安夫人學校", 對我嚟講係好有親切感, 因為我都係呢間學校嘅畢業生, 喺呢到我都生活咗6年好快樂嘅日子, 仲認識咗一班好同學同老師, 到而家都仲有聯絡架, 希望Evan都會啦!! 加油呀!!!

已經好多年無正式返去啦, 今次連我都好緊張, 一來要提醒自己唔可以做怪獸家長, 另一方面又擔心佢能否跟得上進度, 仲慘過係我升小學咁!!

不過第一日返學, 原來學校唔接受同學仔兩邊剷青的髮型, 唯有立即帶佢再剷短D啦~~ 其實當佢班主任通知我佢的髮型唔合格的時候, 我真係有少少不滿, 因為我之前已經上學校的網址睇過有關校服等等資料, 但係都無提及過髮型有呢個限制, 我覺得學校應該係早一點通知家長, 因為大多數家長都會喺開學之前為子女去準備有關開學的事, 而家變咗我剛剛剪完一次又要再剪, 不過算啦, 學校係我揀, 我一定會盡量配合學校要求嘅~

幫POOH轉糧- Exclusion

 

Pooh Pooh 今年已經8歲有多, 好快就9歲, 最近幫佢轉狗糧, 幾經上網search之後同問人, 最終搵咗網上的一間shop, d店員都好有耐性解釋, 送貨都好快, 而且付款方法都有好幾過, 真係勁方便我呢D懶人, 最終我揀咗Exclusion嘅狗糧比Pooh Pooh試下!!

http://www.exclusion.hk/index.html

簡介:
Exclusion Diet 為成犬帶來六個不同蛋白質來源的簡單配方，讓主人及獸醫可根據牠們的詳細飲食記錄，更有彈性及有效地為牠們解決對食物不適及敏感的問 題；Exclusion Diet 當然沒有忽略幼犬的需要，為牠們設計了 "幼犬成長配方"，令牠們於成長期間，真正吸收到食物的營養，鞏固強健體魄，也為主人減去不少煩惱。

但係本身Pooh Pooh就好揀飲擇食, 而且我們縱壞咗佢, 每次都要溝糧先肯食, 但係佢皮膚又唔係好好, 一轉天氣就好易周身痕, 剛剛第一次幫襯買滿一個金額就有罐頭送, 就試下比Pooh Pooh食, 之前我試過比西莎果D佢都唔肯食, 所以都係諗住試一試, 點知一打開罐罐頭佢勁中意, 因為真係好香, 連我都覺得好香, 果次佢食得好開心, 我覺得咁樣點都健康過我屋企人溝其他嘢比佢食, 所以買咗一打返來試下, 當然都有乾糧啦~

食咗都差不多快一個月, Pooh Pooh比起以前食得多咗, 而且食得好開心, 我亦都發現佢嘅大便質感好咗, 唔會好似以前咁一係太硬, 一係就太軟, 而且仲無以前咁臭添加!!