日立 Hitachi Hada CRiE Cool CM-N1000 導出導入機

其實什麼導入導出機, 美人機.......都聽咗好耐, 一直都唔買係覺得都唔知係唔係真..........

直到我奶奶話佢買咗部七千幾蚊既DR BAUER美人機, 仲要配返專用的產品, 總共成萬蚊有多, 佢好大方咁話同我share嚟用, 咁我當然唔客氣啦, 試用完2次之後(只係做面), 覺得完全無用之餘, 連本身好乾既我都覺得D產品好LUM........感覺好差, 又無效果, 所以無再用, 而我奶奶就由買咗返嚟一直放喺我房, 放到而家..........已經超過一個月, 佢都係無用過, 可能太大部始終唔係咁方便啦~~

試完果部七千幾蚊都係無效果既美人機, 我已經覺得其他平價既導出導入機都只係卓頭嘢, 無諗過會再買來試, 但係有一日我同D同事講起, 原來有幾個都有用緊日立 Hitachi Hada CRiE Cool CM-N1000 導出導入機, 大家既評語都幾唔錯, 都覺得皮膚係好咗, 而且已經推出一段時間連新形號N2000都已經推出, 所以就買返部嚟試下, 我經朋友幫我買, $1499連同變壓器同保養, 雖然唔係最平, 不過都唔貴得去邊~~

買返來之後, 我真係覺得好神奇, 第一次做導出(面)有少少污糟 :) 

之後再做條頸, 我真係嚇親, 我平時有沖涼架喎!!!

之後就做導入, 即時覺得好保濕, 不過我真係無咁多時間日日做, 所以每星期只係做2-3日, 又停2-3日先再做, 過咗3個星期之後, 我再去做facial的時候, 連幫我做facial個美容師都讚我皮膚狀態好咗好多, 問完之後, 佢話佢好多客人都有買, 都係覺得效果好好, 搞到佢都心郁郁想買來試

本身覺得千零蚊買返來可以用好耐, 而且唔需要買d貴價既skin care已經可以有好好效果, 真係好抵用, 而且大家都覺得我皮膚明顯好口咗, 令我更加有恆心繼續用佢~~~