其實我真係覺得自己幾好彩, 因為有一次上網無意中比我發現而家呢個美甲師阿sue, 仲要喺屯門, 好近我屋企之餘, 價錢簡直係開心價~
呢個係一年前12月整的x'mas款, 當時真係好平, 大約只係$140-150左右!! 我覺得佢畫得好靚之餘, 最重要係好快手, 由坐低到我走都唔洗2個鐘!!
之後我當然keep住幫襯啦!!以下都係一樣價錢既鞋仔款!! 個半鐘就搞掂, 快、靚、正!!
後來新年後加咗少少價, 畫晒十隻手指都係$168定$178, 唔係好記得!! 都好抵呀~
不過好景不常, 佢竟然同我講要離開香港, 可能一年後先返, 我真係好唔開心, 好在半年左右佢就已經返嚟HK, 一返來我當然又要再搵返佢.
呢個係今年2013嘅聖誕款, 痴咗咁多嘢好似都係$200左右.
以下係我今日2014/1/4去整, 之前都喺華都整過差不多同款要成$5xx, 但係今次已經係阿sue收得我最貴嘅一次, 只係$230.
而且我真心覺得今次係更立體!!真係好抵好開心!!!
總括阿SUE不在港的期間我都有跟朋友返大陸整下甲, 雖然手+腳都只係160人仔, 但係又要去東門又要過關, 每次要用5-6個鐘時間來回之餘, 真係整得好核突, 我已經越揀越簡單的款式都係整唔到我想要嘅效果, 所以我都唔想再去!! 或者係我去果間咁差, 但係而家有咁近, 又平又靚, 我真係唔想再上大陸, 但係阿SUE到唯一唔好就係無得整腳, 所以如果到夏天, 我可能都會跟其他朋友再去試下其他整GEL腳嘅舖頭~~
